2013

Vi er allereide langt inn i det nye året, og bloggen min har vore still ganske lenge. Men no er eg so smått i gang igjen.. Har fått tilbake sygleda etter at vi hadde ein servicetur til Lillestrøm med Brothermaskina mi.

 Veske og lommebok sydd i semsket skinn, mønster frå MyQuilt.

 Fleire lommebøker, den eine er sydd av kaffeposer med veskeplast over, den andre har eg brukt fotooverføring på , tok bilde av nokre av Wollmeisehespene mine og skreiv det ut på stoff. Også med veskeplast over.

 Ei lita nålepute, mønster fann eg i ei lappegruppe på Facebook.

 Stor og romsleg toalettveske, allereide tatt i bruk. Sydd i lin og japanske stoffer.

 Sminkepunger, den grå er sydd i halvlin, maskinbroderi frå Emblibrary. Den grøne til venstre er sydd i broderiramma.

 Endå ei veske, denne er frå MyQuilt nr. 1 i år. Maskinbroderi på begge sider frå Advanced.

Gøy å sy igjen!